Tarazda 10 jasar balany izdeýge eriktiler qosyldy
TARAZ. QazAqparat - Tarazdan bir táýlikten astam ýaqyt boıy úıinen belgisiz baǵytqa qaraı ketip qalǵan oqýshyny izdep jatyr, dep habarlaıdy «QazAqparat» HAA tilshisi.
№2 mektepte oqıtyn 10 jasar Denıs 5 naýryz kúni joǵalyp ketken. Onyń joǵalǵany týraly habarlama áleýmettik jelide paıda bolǵan.
Jambyl oblystyq ІІD baspasóz qyzmeti habarlaǵandaı, onyń anasy balasynyń joǵalǵany týraly shaǵym túsirgen. Qazir ony polıtseıler men týystary, sondaı-aq eriktiler de izdep jatyr.
«Men oǵan tańertem daýys kótergenmin, - dedi «QazAqparat» HAA tilshisi Denıstiń mamasy Irına.
«Meni tyńdamany úshin, mektepke jetkeni týraly uıaly telefonmen ýaqytyly habarlamaıtyny úshin urysyp bergenmin. Múmkin, ony qatty renjitken shyǵarmyn. Ol úıden júgirip shyǵyp ketti, men taksımen ony qýyp jetpek boldym. Bir kvartaldan keıin mashınanyń esigin ashtym. Ol basqa jaqqa qaraı júgirip ketti. Taksı júrgizýshisi keri burylǵansha (ol jerde belgi bolǵan), Denısti tappaı qaldym. Uıaly telefonynyń da qýaty bitip qalǵan».
Anasynyń aıtýynsha, polıtseıler oǵan túngi saǵat úshte Denıstiń telefon nómirinen qysqa ýaqytqa sıgnal bolǵan, biraq keıin telefon qaıta óship qalǵan.
