Taraz jańa aınalma jolynda qozǵalys ýaqytsha shekteledi
ASTANA. KAZINFORM — QazAvtoJol ulttyq kompanııasy Jambyl oblysynda respýblıkalyq mańyzy bar «Taraz qalasynyń jańa aınalma joly» avtomobıl jolynyń ýchaskesinde barlyq kólik túri úshin qozǵalys ýaqytsha shekteletinin habarlady.
Kompanııanyń málimetinshe, shekteý jóndeý jumystarynyń júrgizilýine baılanysty engiziledi. Ol 2026 jylǵy 9 jáne 10 shilde kúnderi saǵat 07:00–den 21:00–ge deıin 518-535 shaqyrym aralyǵynda, NDFZ aýdanynan Aısha bıbi jol aıryǵyna deıingi ýchaskede qoldanylady.
— Kólik qozǵalysy syzbada kórsetilgen balama aınalma baǵyt boıynsha uıymdastyrylady. Ýchaskede ýaqytsha jol belgileri men baǵyt kórsetkishteri ornatylǵan, — delingen habarlamada.
QazAvtoJol kólik júrgizýshilerine saparyn aldyn ala josparlaýdy, jol belgileriniń talaptaryn saqtaýdy jáne ýaqytsha qolaısyzdyqtarǵa túsinistikpen qaraýdy eskertti.
Eske salaıyq, buǵan deıin QazAvtoJol joldardaǵy jańa «aqyldy» kameralardyń ne úshin ornatylyp jatqanyn túsindirgen edi.
