«Taraz» voleıbol klýby el chempıonatynda kósh bastady

ATYRAÝ. KAZINFORM — Atyraý qalasynda voleıboldan erlerdiń ulttyq lıga komandalary arasynda HHHІІІ Qazaqstan chempıonatynyń birinshi týrynda «Taraz» klýby kósh bastady.

Birinshi týrdyń ekinshi kúni el chempıony alań ıeleri — «Atyraýmen» kezdesti.

Bul atyraýlyqtardyń alǵashqy oıyny edi. Al tarazdyqtar bastapqy kezdesýinde «Ushqyn-Kókshetaýdy» 3:0 esebimen qapy qaldyrǵan edi.

Tarazdyqtar «Atyraýdy» 3:1 (25:21, 25:15, 24:26, 25:19) esebimen jeńip, týrnır kestesinde 6 upaımen kósh bastady. 

«Jetisý» (Taldyqorǵan) tartysty matchta 3:2 esebimen (25:18, 21:25, 25:20, 20:25, 15:7) «Ushqyn-Kókshetaýdyń» meselin qaıyryp, «Aqtóbemen» upaıy (5) teńesip, ekinshi jáne úshinshi oryndy bólisip tur.

Sondaı-aq «Esildi» (SQO) 3:1 (25:21, 25:20, 19:25, 25:15) esebimen tize búktirgen «Pavlodar» klýby ázirge 3 upaımen tórtinshi satyǵa taban tiredi. 

Juma kúni «Jetisý» — «Aqtóbe», «Pavlodar» — «Ushqyn-Kókshetaý», «Taraz» — «Esil», «Býrevestnık» — «Atyraý» komandalary ózara kezdesedi.

Eske sala keteıik, budan buryn voleıboldan Qazaqstan chempıonatynda «Aqtóbeniń» «Pavlodardy» utqanyn jazǵan bolatynbyz.

Sondaı-aq «Jaıyq» ekinshi ret qatarynan jeńilip qaldy.