Taraz ýnıversıteti janynan «Adaldyq dúkeni» ashyldy

TARAZ. QazAqparat – Tarazda kezekti «Adaldyq dúkeni» ashyldy, dep habarlaıdy QazAqparat QR Sybaılas jemqorlyqqa qarsy is-qımyl agenttigi Jambyl oblystyq departamentine silteme jasap.

Satýshysy joq dúken «USTAZ» Taraz memlekettik pedagogıkalyq ýnıversıteti janynan ashyldy. Munda kóptegen sýsyndar, táttiler, shokolad, jańa pisken nan ónimderi satylady.

QR Sybaılas jemqorlyqqa qarsy is-qımyl agenttigi tóraǵasynyń orynbasary Nurlan Shabdar, Jambyl oblysy ákiminiń birinshi orynbasary Bekbolat Orynbekov, Taraz memlekettik pedagogıkalyq ýnıversıtetiniń rektory Erjan Ámirbekuly, M.H.Dýlatı atyndaǵy Taraz memlekettik pedagogıkalyq ýnıversıtetiniń rektory Mahmetqalı Sarybekov, Taraz ınnovatsııalyq gýmanıtarlyq ýnıversıtetiniń rektory Erbolat Saýryqov «USTAZ» ýnıversıtetindegi «Adaldyq dúkenimen» jáne «Adal kitaphanamen» tanysty, sondaı-aq, «Sanaly urpaq» front-ofısinde belsendi stýdenttermen kezdesip, pikir almasty.

«Adaldyq dúkeninen satýshysyz taýar satyp alýǵa bolady. Ony stýdenntter de, oqý ornynyń muǵalimderi de, qala turǵyndary da paıdalana alady. Senim tetigi kóptegen jyldar boıy Eýropa elderinde engizilip keledi», - dep atap ótti «USTAZ» Taraz memlekettik pedagogıkalyq ýnıversıtetiniń rektory Erjan Ámirbekuly.

QR Memlekettik qyzmet isteri jáne sybaılas jemqorlyqqa qarsy is-qımyl agenttigi óńirlik departamentiniń basshysy Ravıl Tólebaev osyndaı tetikterdi engizý jastardyń moraldyq ustanymdaryn, sondaı-aq akademııalyq adaldyqty damytýǵa yqpal etetinin atap ótti.