Taraz turǵynynyń kóligin urlap ketken 26 jastaǵy jigit ustaldy
Taraz qalasynyń turǵyny polıtsııaǵa habarlasyp, úıiniń aýlasynda turǵan BMW markaly avtokóligin urlap ketkeni jóninde shaǵymdanǵan. Bul týraly oblystyq polıtsııa departamentiniń baspasóz qyzmeti habarlady.
«Taraz qalasy Polıtsııa basqarmasynyń Jedel basqarý ortalyǵy beınebaqylaý kameralarynyń kómegimen izdestirilip jatqan mashınanyń qozǵalys baǵyty men ornalasqan jeri anyqtaldy. Jedel-izdestirý is-sharalaryn júrgizý barysynda polıtsııa qyzmetkerleri kúdikti retinde Taraz qalasynyń 26 jastaǵy turǵynyn ustady»,-delingen vedomstvo habarlamasynda.
Atalǵan derekke qatysty Qylmystyq kodekstiń 200-baby 1-bóligi (avtomobıldi nemese ózge de kólik quraldaryn urlaý/aıdap áketý maqsatynsyz zańsyz ıelený) boıynsha sotqa deıingi tergeý amaldary bastaldy.
Ustalǵan kúdikti kinásin moıyndady, tergeý júrgizilip jatyr.