Taraz turǵynynan «sıntetıkanyń» 75 oramy tárkilendi

TARAZ. QazAqparat - Polıtsııa Taraz qalasynyń turǵynynan «sıntetıkanyń» 75 oramyn tárkiledi, dep habarlaıdy QazAqparat.

Jambyl oblysy Polıtsııa departamenti Esirtki qylmysyna qarsy is-qımyl basqarmasynyń qyzmetkerleri esirtki zattaryn asa iri mólsherde saqtady degen kúdikpen Taraz qalasynyń turǵynyn ustady.

Ustalǵan áıeldiń jalǵa alǵan páterin tintý barysynda jatyn bólmeden jalpy salmaǵy 21,51 gr Alfa-PVP «sıntetıkasy» bar 75 oram tárkilendi.

»Atalǵan derekke qatysty QR QK 297-baby 3-bóligimen sotqa deıingi tergeý amaldary bastaldy. Osy baptyń sanktsııasyna sáıkes, múlki tárkilenip, 10 jyldan 15 jylǵa deıingi merzimge bas bostandyǵynan aıyrý túrindegi jaza kózdelgen«, - dedi Jambyl oblysy PD EQQІB bastyǵy Álim Bajyqbaev.