Taraz turǵynynan 4 qap marıhýana tárkilendi
«Qarasora-2021» respýblıkalyq jedel aldyn alý sharasy aıasynda Jambyl oblysy Polıtsııa departamentiniń Esirtki qylmysyna qarsy is-qımyl basqarmasynyń qyzmetkerleri Shý-Merke avtojolynan 4 shaqyrym jerdegi Sarǵaý aımaǵynda esirtki daıyndap jatqan Taraz qalasynyń 41 jastaǵy turǵynyn ustady.
Sol mańdy tekserý kezinde tórt qap barlyǵy - 44 kılogramm 320 gramm keptirilgen marıhýana tárkilendi. Kúdikti kinásin moıyndady, qazirgi kezde Shý qalasynyń ýaqytsha ustaý ızolıatoryna qamalǵan.
«Atalǵan fakti boıynsha QR Qylmystyq kodeksiniń 297-baby 3-bólimi «Esirtki quraldaryn, psıhotroptyq zattardy, sol tektesterdi ótkizý maqsatynda zańsyz daıyndaý, qaıta óńdeý, satyp alý, saqtaý, tasymaldaý, jóneltý ne ótkizý» boıynsha sotaldy tergeý bastaldy. Mundaı qylmys úshin 10-15 jylǵa bas bostandyǵynan aıyrý qarastyrylady, sonymen qatar sottalýshynyń múlki tárkilenedi», - dedi Esirtkige qarsy kúres basqarmasynyń bastyǵy Asqar Jumabekov.
