Taraz turǵynynan 21 keliden astam keptirilgen marıhýana tabyldy

TARAZ. QazAqparat – Jambyldyq polıtseıler Taraz qalasynyń 28 jastaǵy turǵynynyń avtokóliginen 21 keli 360 grammdy quraıtyn marıhýana tapty, dep habarlaıdy QazAqparat tilshisi.

Bul týraly oblystyq polıtsııa departamentiniń baspasóz qyzmeti máldimdedi.

«Taraz qalasynyń Polıtsııa basqarmasy Jergilikti polıtsııa qyzmetiniń patrýldik polıtsııa batalonynyń qyzmetkerleri oblys ortalyǵynda patrýldeý kezinde qala kósheleriniń birinde «Volkswagen Golf» markaly avtokóligin toqtatty. Taraz qalasynyń 28 jastaǵy turǵynynyń basqarýyndaǵy avtokólik salonyn tekserý barysynda tártip saqshylary salmaǵy 21 keli 360 grammdy quraıtyn eki qap ósimdik zatyn tapty. Saraptama onyń marıhýana ekenin kórsetti»,- delingen habarlamada.

Atalmysh derek boıynsha Qylmystyq kodekstiń 296-baby 4-bóligi boıynsha sotqa deıingi tergeý amaldary júrgizilýde. Kúdikti ýaqytsha ustaý ızolıatoryna qamaqqa alyndy.