Taraz turǵynynan 2 tsentnerge jýyq kannabıs tárkilendi

TARAZ. QazAqparat – Jambyl oblysynyń Shý aýdanynda Taraz qalasynyń 31 jastaǵy turǵyny 2 tsentnerge jýyq jabaıy qarasoramen ustaldy, dep habarlaıdy QazAqparat tilshisi.

«Qarasora-2023» jáne «Dármek» jedel aldyn alý is-sharalary barysyndaǵy jedel izdestirý jumystaryn Jambyl oblysy polıtsııa departamentiniń Esirtki qylmysyna qarsy is-qımyl basqarmasynyń qyzmetkerleri ІІM Esirtki qylmysyna qarsy is-qımyl departamentimen jáne «Búrkit» arnaıy maqsattaǵy bólinis qyzmetkerlerimen birlesip júrgizdi.

«Alǵa aýylynyń «Qaqpaqty» ýchaskesindegi qumdy aımaqta ustalǵan kúdikti jabaıy qarasorany jınap, 4 qapqa salǵan. Sondaı-aq, orylǵan qarasora qaldyqtary bar oraq tabyldy. Saraptama nátıjesinde jalpy salmaǵy 189 keli 940 gramm bolatyn tárkilengen zat «kannabıs» esirtki zaty ekeni anyqtaldy. Ustalǵan adam kinásin moıyndap, Shý aýdanynyń ýaqytsha ustaý ızolıatoryna qamaldy. Osy derekke qatysty QR Qylmystyq kodeksiniń 296-baby 4-bóligi, ıaǵnı esirtki quraldaryn asa iri mólsherde ótkizý maqsatynsyz zańsyz daıyndaý, qaıta óńdeý, satyp alý, saqtaý, tasymaldaý boıynsha sotqa deıingi tergep-tekserý jumystary bastaldy. Bul bap múlki tárkilenip, 10 jyldan 15 jylǵa deıingi merzimge bas bostandyǵynan aıyrý túrindegi jazany kózdeıdi», - dep habarlady oblystyq polıtsııa departamenti esirtki qylmysyna qarsy is-qımyl basqarmasynyń bastyǵy Álim Bajyqbaev.

Buǵan deıin iri kólemde esirtki satqan qylmystyq top ustalǵanyn habarlaǵan bolatynbyz.