Taraz turǵynyna qaraqshylyq shabýyl jasaǵan 43 jastaǵy kúdikti ustaldy
TARAZ. QazAqparat – Tarazdyq polıtseıler qaraqshylyq shabýyl jasaǵan kúdiktini ustady, dep habarlaıdy QazAqparat tilshisi.
Polıtsııaǵa Jambyl oblysy ortalyǵynyń 55 jastaǵy turǵyny aryzdanyp, ózin pyshaq tárizdi zatpen qorqytyp, uıaly telefonyn ashyq túrde urlap ketken qylmyskerdi ustaý týraly ótinishpen júgingen.
Bul týraly oblystyq polıtsııa departamentiniń baspasóz qyzmeti habarlady.
Júrgizilgen jedel-izdestirý sharalarynyń nátıjesinde Taraz qalasy JPB OP-1 krımınaldyq polıtsııa bóliminiń qyzmetkerleri 43 jastaǵy jergilikti turǵyndy ustady.
«Kúdiktige qatysty QR Qylmystyq kodeksiniń 192-baby 1-bóligi boıynsha sotqa deıingi tergeý bastaldy» delingen vedomstvo habarlamasynda.
Er adam óziniń kinásin tolyǵymen moıyndap, Taraz qalasyndaǵy ýaqytsha ustaý ızolıatoryna qamaldy.
Uıaly telefon zańdy ıesine qaıtaryldy.
