Taraz turǵyny sharbaǵynda «úndi» esirtkisin ósirgen

TARAZ. QazAqparat – «Qarasora-2021» jedel-aldyn alý is-sharasyn ótkizý barysynda Taraz qalasy Polıtsııa basqarmasynyń esirtki qylmysyna qarsy is-qımyl bóliminiń qyzmetkerleri Taraz qalasynyń 55 jastaǵy turǵynyn ustady,- dep habarlaıdy QazAqparat tilshisi.

Ustalǵan turǵynnyń turǵylyqty jerindegi baqshasyna sanktsııalanǵan tintý júrgizý kezinde «úndi» qarasora tuqymyna jatatyn esirtki ósimdigin kýltıvatsııalaý belgileri bar 104 buta tabyldy jáne tárkilendi.

Azamat kinásin tolyq moıyndady. Tirkelgen derekke qatysty Qazaqstan Respýblıkasy Qylmystyq kodeksiniń 300-baby 1-bóligi (Quramynda esirtki zattary bar ósimdikterdi zańsyz ósirý) boıynsha sotqa deıingi tergeý amaldary bastaldy. Bul týraly oblystyq polıtsııa departamentiniń baspasóz qyzmeti habarlady.

«Ol úshin kúdiktige eki myń aılyq eseptik kórsetkishke deıingi mólsherde aıyppul salý, nemese sol mólsherde túzeý jumystary, nemese eki jylǵa deıingi merzimge bas bostandyǵyn shekteý, nemese sol merzimge bas bostandyǵynan aıyrý túrindegi jazasy qoldanylýy múmkin»,-delingen vedomtsvo habarlamasynda.