Taraz turǵyny saýsaǵyndaǵy saqınany sheshý úshin qutqarýshylardy shaqyrǵan
TARAZ. QazAqparat – Taraz qalasynyń turǵyny saýsaǵynan shyqpaı qalǵan saqınany sheshý úshin Tótenshe jaǵdaılar departamentiniń qutqarýshylaryn shaqyrǵan,- dep habarlaıdy QazAqparat tilshisi.
Jambyl oblysy Tótenshe jaǵdaılar departamentiń «112» qyzmetine Taraz qalasy, Qarataý shaǵyn aýdanyndaǵy №24 úı turǵyny – áıel kisiniń qolyndaǵy saqınasy shyqpaı, qoly isip ketkendigi jóninde habarlama kelip túsken. Oqıǵa ornyna jedel-qutqarý jasaǵynyń qutqarýshylary shyǵyp, arnaıy keskish quraldardyń kómegimen áıeldiń qolyndaǵy saqınany alǵan.
Áıel óz kezeginde qutqarýshylarǵa alǵys bildirgen. Oblystyq tótenshe jaǵdaılar departamentiniń qutqarýshy mamandary arasynda mundaı erekshe qońyraýlardyń túsip turatynyn aıtady.
