Taraz turǵyny «qońyraý shalaıynshy» dep surap alyp, 300-den astam telefondy urlaǵan
TARAZ. QazAqparat – Jambyldyq polıtsııa qyzmetkerleri birqatar alaıaqtyq áreket jasaǵany úshin Taraz qalasynyń 32 jastaǵy turǵynyn ustady, dep habarlaıdy QazAqparat tilshisi.
Aldyn ala tergeý barysynda onyń jedel qońyraý shalý syltaýymen ótip bara jatqan adamdardan uıaly telefon suraǵany anyqtaldy.
Sodan keıin ol belgisiz baǵytta qashyp ketken.
Osylaısha, alaıaq úsh júzden astam smartfondy ıemdengen.
Atalǵan derekterge Qazaqstan Respýblıkasy Qylmystyq kodeksiniń 190-baby (Alaıaqtyq) boıynsha sotqa deıingi tergeý amaldary bastaldy.
«Ustalǵan azamat kinásin moıyndap, Taraz qalasynyń ýaqytsha ustaý ızolıatoryna qamaqqa alyndy. Sotqa deıingi tergeý sharalary jalǵasýda»,-delingen oblystyq polıtsııa departamenti baspasóz qyzmetiniń habarlamasynda.
