Taraz turǵyny dárigerler týraly beınetúsirilim úshin keshirim surady
TARAZ. QazAqparat – Áleýmettik jelilerde qoqys paketterinen jasalǵan qorǵanys kostıýmderindegi dárigerlermen jarııalanǵan vıdeo úlken rezonans týdyrǵan bolatyn.
Bul vıdeonyń Jambyl oblysynda túsirilgeni belgili boldy,- dep habarlaıdy QazAqparat oblys ákimdigiginiń resmı saıtyna silteme jasap.
Taraz qalasynda túsirilgen atalǵan vıdeonyń keıipkerleri – qaterli isikke shaldyqqan naýqastarǵa arnalǵan «Amazonka» qorynyń eriktileri bul vıdeony teriske shyǵardy. Ol týraly Jambyl oblysy ákiminiń keńesshisi Qanat Qulshymanov óziniń Facebook paraqshasynda jarııalady.
Q.Qulshymanov óz jazbasynda atalǵan qordyń memlekettik medıtsınalyq mekemelerge esh qatysy joq ekendigin jetkizgen.
«Maǵan osy qordyń dırektory Anjelıka Sarıan habarlasty. Ol vıdeo avtorynyń áreketine narazylyq bildirdi. Muny joqqa shyǵarýdy surady», - deıdi ol.
Rolıktiń 8 sáýir kúni túsirilgeni anyqtaldy. Qoǵamdyq uıymnyń qyzmetkerleri sol kúni týystary joq naýqasqa bara jatqan.
«Biz qaterli isik aýrýymen aýyratyn adamdarmen aınalysatyn qoǵamdyq uıymbyz. Biz úıge kelip, ártúrli qyzmetterdi usynamyz. Bizde bilikti qyzmetkerlerden quralǵan mobıldi toptar bar. Bizdiń uıymǵa kez-kelgen adam kómek surap kele alady. Biz ashyq uıymbyz jáne árqashan kómektesýge tyrysamyz. Bul joly kórsetilgen mekenjaı boıynsha barǵanda biz ózimizge saq bolý kerektigin túsindik. COVID-19 taralýyna baılanysty bizde de qyzmet kórsetý boıynsha erejeler men shekteýler bar. Uıym qyzmetkerleri maska, bahıla, bas kıimnen basqa, qolda bar zattarmen saqtaný qajet dep sheshti. Biz bir ret paıdalanylatyn paketter men skotch qoldandyq, bul zattar jedel brıgada kelgen kólikte boldy. Osylaısha biz ózimizdi qorǵaý qajetdegen sheshim qabyldadyq. Vıdeony túsirgen adam jaǵdaıdy paıdalanyp, jalǵan aqparattar men vıdeony júktegen», - deıdi uıymnyń dırektory.
Búgin áleýmettik jelide rezonans týdyrǵan vıdeonyń «avtorynan» bul aqparatty joqqa shyǵarǵan habarlamasy paıda boldy. 40 jastaǵy Taraz turǵynynyń aıtýynsha, 8 sáýirde ol dárigerlerdi emes, «Amazon» úkimettik emes uıymynyń ókilderi bolǵan vıdeo túsirgenin aıtty.
«Eriktiler qoldaryna bas kıim, aıaq kıim, halat, maska kıdi. Olar qaterli isikke shaldyqqan naýqasqa kelip, ımprovızatsııalanǵan quraldardy, ıaǵnı paketterdi qoldandy. Men olardy dáriger dep oıladym. Men barlyq qazaqstandyqtardan keshirim suraımyn», - dedi ol.
