Taraz turǵyny arzan turmystyq tehnıka satamyn dep jurtty aldaǵan
Taraz qalasynda polıtsııa 23 jastaǵy qala turǵynyn alaıaqtyqtyń alty deregi boıynsha qylmystyq jaýapkershilikke tartty,.
Alaıaqtyń qurbandary jarnama saıty arqyly turmystyq tehnıka satyp almaq bolǵan jergilikti turǵyndar.
«Alaıaq jalǵan málimetpen OLX saıtynda jarnama paraqshasyn ashyp, onda turmystyq tehnıkany arzan baǵamen satpaq bolǵan. Osylaısha qarapaıym azamattardyń senimin paıdalanyp, olardy aldaý arqyly «Kaspi gold» mobıldi qosymshasymen aqshany aýdarýǵa májbúr etken, sodan keıin telefonyn óshirip, baılanysqa shyqpaǵan»,-delingen oblystyq polıtsııa departamentiniń habarlamasynda.
Tergeýshiler 23 jastaǵy kúdiktini anyqtap, ustady. Ol ýaqytsha ustaý ızolıatoryna qamaldy.
Bul oqıǵa Qylmystyq kodekstiń 190-baby 3-bóligi 4-tarmaǵy boıynsha birneshe ret jasalǵan alaıaqtyq retinde saralandy. Atalmysh bap kúdiktiniń múlkin tárkileı otyryp, úsh jyldan jeti jylǵa deıingi merzimge bas bostandyǵynan aıyrý túrindegi jazany kózdeıdi.