Taraz turǵyny áleýmettik jelilerde dinı arazdyq týdyrǵany úshin bas bostandyǵynan aıyryldy
TARAZ. QazAqparat - Jambyl oblystyq Іshki ister departamentiniń Ekstremızge qarsy is-qımyl basqarmasy dinı alaýyzdyqty qozdyrǵan adamdy anyqtady, dep habarlaıdy QazAqparat tilshisi quqyq qorǵaý vedomostvosynyń baspasóz qyzmetine silteme jasap.
«Jambyl oblystyq Іshki ister departamentiniń Ekstremızge qarsy is-qımyl basqarmasynyń qyzmetkerleriniń ınternet jelisiniń qazaqstandyq segmentin baqylaý nátıjesinde Tarazdyń buryn sottalmaǵan 28 jastaǵy turǵyny kózge ilingen. Er adamǵa dinı alaýyzdyqty týdyrǵany úshin aıyp taǵylyp, sotqa deıingi tergeý amaldary bastalyp ketti», delingen Jambyl oblysy ІІD-niń habarlamasynda.
Belgili bolǵandaı, N. esimdi azamat ǵalamtor jelisinde tyıym salynǵan dinı sıpattaǵy materıaldardy taratqan.
«Turyp jatqan mekenjaıyn tintý kezinde dinı sıpattaǵy avtorlary ártúrli 27 DVD-dıskter, arab tilindegi jazba dápterler, jýrnaldar, «Úsh negiz» ataýymen kitapshalar, «Qurannyń» Elmır Kýlıevtiń aýdarmasymen berilgen nusqasy tabyldy. Sondaı-aq, N. asa kóp paıdalanǵan áleýmettik jelilerdiń baǵdarlamalary júktelgen uıaly telefon anyqtaldy», - dedi vedomstvo ókili.
Sotqa deıingi tergeý amaldary kezinde ustalǵan azamat ınternet jelilerdi jıi paıdalanatynyn jáne tyıym salynǵan dinı materıaldardy ártúrli messendjerler arqyly taratatynyn moıyndady.
«Taraz qalasynyń №2 soty shyǵarǵan úkimke sáıkes, N. - ǵa úsh jylǵa bas bostandyǵynan aıyrý jazasy kesildi», - dedi Jambyl oblysy ІІD baspasóz qyzmetindegiler.
