Taraz turǵyndaryna ystyq sý beriledi
TARAZ. QazAqparat - Jylý berýshi uıym oblys ortalyǵyna ystyq sý qosady, dep habarlady «QazAqparat» HAA tilshisi.
Jylý maýsymy aıaqtalǵannan keıin Taraz turǵyndary ystyq sýsyz qalǵan. Oblys ortalyǵynyń kommýnaldyq qyzmetteri jóndeý jumystaryn júrgizip, turǵyn úıler men áleýmettik nysandarǵa ystyq sý berýdi toqtatty.
Oblys ákimdigi energetıka jáne TKSh basqarmasy energetıka bóliminiń bastyǵy Knıaz Tortaev habarlaǵandaı, Tarazda 12-16 sáýir aralyǵynda jylý jelilerine jóndeý júrgizildi, aqaýdy joıǵannan keıin 27 mamyrdan bastap ystyq sý beriledi.
«Taraz energoortalyq» AQ 1190 kóp páterli úıdiń 705-ine, «Jambyl-Jylý» - 82, «Temirjol-Jylý» - 19 kóppáterli úıge qyzmet kórsetedi. Spıkerdiń aıtýynsha, Tarazdyń jylýmen jabdyqtaý uıymdary 2017-2018 jyldary kúzgi-kóktemgi kezeń jumysyna daıyndyq sharalaryn ázirlep, bekitti.
Bıyl jóndeý naýqanyna otyn-energetıkalyq keshen kásiporyndaryna 1,7 mlrd. teńge, onyń ishinde jylýmen jablyqtaý kásiporyndaryna - 752,8 mln. teńge bólindi. Jóndeý jumystary josparlanǵan qala bólikterinde sý ýaqytsha ajyratylady.
