Taraz turǵyndaryna tegin azyq-túlik taratyldy
TARAZ. QazAqparat - Jambyl oblysynyń ortalyǵynda az qamtamasyz etilgen 150 otbasyna azyq-túlik taratyldy, dep habarlaıdy QazAqparat Zhambylnews.kz-ke silteme jasap.
Qaıyrymdylyq is- shara «Órkenıet» qorynyń uıymdastyrýymen júzege asyryldy. Qordyń «Aqdastarhan» jobasynyń aıasynda qalanyń Qumshaǵal, Shóldala, Kóltoǵan aýyldaryndaǵy az qamtamasyz etilgen otbasylarǵa kúndelikti kúnbaǵys maıy, makaron, qant, un, shaı, kúrish sııaqty azyq-túlik túrleri taratylyp berildi. Barlyǵy 150 otbasyǵa taratylǵan sebettiń árqaısysynyń quny - 6000 teńge.
«Qazirgi qymbatshylyq zamanda jetim-jesirlerge járdemdesip jatqandaryna úlken rahmet. Mynaý bala anasynyń qursaǵynda 7 aılyq kezinde ákesiz qalyp edi. Tapqan bir aılyq jalaqy eshteńege jetpeıdi. Berip otyrǵan azyq-túlikti, biz bir emes, 6-7 aıǵa jetkizemiz», - deıdi Aısha bıbi aýylynyń turǵyny Leskúl Ámirova.
