Taraz turǵyndary qalanyń kólik ınfraqurylymyn jańǵyrtýǵa atsalysýda
TARAZ. QazAqparat - Taraz turǵyndary qalanyń kóshelerindegi joldardy jóndeý sharalaryna qatysty talqylaýlarǵa belsendi atsalysýda, dep habarlaıdy QazAqparat.
Tarazdyń kólik ınfraqurylymynyń yńǵaısyz ornalasqandyǵy jónindegi másele jýyrda oblys ákimdiginde ótken jıynda kóterilgen bolatyn. Oblys basshysy Asqar Myrzahmetov kóshelerdi jaryqtandyrý, jol belgileri men baǵdarshamdardy ornalastyrý sııaqty jumystardyń keshendi ári bilkelki júrgizilýi qajettigin aıtqan edi.
«Qala ákimdigi oblys ortalyǵy turǵyndaryna arnaǵan úndeýin áleýmettik jelige jarııa etti. Onda turǵyndarǵa yńǵaıly bolýy úshin jol belgileri men baǵdarshamdardy, jaıaý júrginshilerge arnalǵan belgilerdi qalaı ornatý qajettigi jónindegi jumystarǵa pikir bildirý usynyldy», dedi QazAqparat tilshisine Taraz qalasy ákimdiginiń baspasóz hatshysy Gúlbahram Dúısekova.
Onyń sózinshe, qala turǵyndary ákimdiktiń usynysyna belsendi aralasa bastady. Qazir turǵyndardan ákimdikke kóptegen hattar kelip túsýde.
Baspasóz qyzmetiniń málimetterine qaraǵanda, aldaǵy ýaqytta Tarazda kólik ınfraqurylymyn aýqymdy jańǵyrtý jumystary kútip tur.
