Taraz turǵyndary qaladaǵy ystyń ıisine shaǵymdandy
TARAZ. QazAqparat - Taraz turǵyndary ártúrli ınstantsııalarǵa qala aýmaǵynyń ońtústik-batys bólinen shyǵatyn kúıiktiń ıisine shaǵym túsirip jatyr, dep habarlaıdy QazAqparat tilshisi.
Áleýmettik jelilerdegi Tarazdyń toptarynda bul másele keńinen talqylanýda.
«Eki aptadan beri hımııalyq ónerkásip mańy aýylynda ne tańerteń, ne keshke tereze ashý múmkin emes bolyp tur. Ystyń ıisi - sumdyq seziledi! Qaıdan shyqqanyn kim biledi? Turmystyq qoqysty jaǵyp jatqanǵa uqsamaıdy, sebebi bir ıis qaıta-qaıta shyǵady». «Iisine shydaý múmkin emes. Demikpesi bar adamdarǵa tipti qıyn», - dep qala halqy jelide narazylyqtaryn bildirýde.
QazAqparat tilshisiniń Jambyl oblysy Tótenshe jaǵdaılar departamentine jibergen saýalyna vedomstvo basshysy Baǵdat Danılov telefon arqyly bylaı dep jaýap berdi: «...Tútin zaýyttan shyǵyp jatyr. «Qazfosfat» JShS-niń mıneraldy tyńaıtqyshtar zaýyty jumys jasap tur. Sol jerge habarlasyp anyqtaý kerek. Bilýimshe, turǵyndar ákimdikke shaǵymdanǵan», - dedi Jambyl oblysy TJD basshysy.
