Taraz sportshylary armrestlıngten álem chempıonatynan 16 medalmen oraldy
TARAZ. QazAqparat - Majarstanda ótken armrestlıngten álem chempıonatynda jambyldyq qol kúresshiler 16 medal ıelendi, dep habarlaıdy QazAqparat tilshisi oblystyq dene shynyqtyrý jáne sport basqarmasyna silteme jasap.
Chempıonatqa álemniń 44 memleketinen myńǵa jýyq sportshy qatysty. QR ulttyq quramasynyń sapynda óner kórsetken jambyldyq qol kúresshiler 8 altyn, 5 kúmis jáne 3 qola - barlyǵy 16 medaldy qanjyǵalady.
Eresekter arasynda T.Verına (55 kg), O.Pısmennaıa (80 kg), A.Lısıanskaıa (+80 kg) - 1-oryn, E.Shadyrqul (60 kg), A.Qaramanova (55 kg), T.Trýbına (70 kg), V.Faradjov (65 kg) - 2-oryn, I.Reısov (55 kg) 3-oryndy qanaǵat tutty.
Jasóspirimder arasynda A.Kárimbaeva (50 kg), E.Lıahova (65 kg), B.Reısov (55 kg), A.Qaramanova (55 kg), O.Pısmennaıa (+70 kg) 1-orynǵa laıyq dep tanyldy. Al E.Savchenka (50 kg) - 2-oryn, A.Ábdikerim (70 kg), A.Kast (70 kg) 3-oryndy ıelendi.
Jalpy komandalyq esepte birinshi oryn Qazaqstanǵa buıyrdy. Ekinshi orynda - Reseı, úshinshi oryn Majarstannyń enshisinde.
