Taraz — Shý baǵytyndaǵy temirjol ótkelinde mashınıst apattyń aldyn aldy

ASTANA. KAZINFORM - Jolaýshylar poıyzynyń lokomotıv brıgadasy poıyzdyń traktordan ajyrap, temirjolda turyp qalǵan tirkemelerimen soqtyǵysýynyń aldyn aldy, dep habarlaıdy «Qazaqstan temir joly» ulttyq kompanııasynyń baspasóz qyzmeti.

— 2025 jyldyń 7 maýsymynda Taraz — Shý ýchaskesiniń (Jambyl bólimshesi) temirjol ótkelinde jolaýshylar poıyzynyń lokomotıv brıgadasy traktordan ajyrap, temirjolǵa turyp qalǵan júk tirkemelerimen soqtyǵysýdyń aldyn aldy. Mashınıst shuǵyl túrde jáne der kezinde tejegishti basty, — delingen ulttyq kompanııa taratqan habarlamada.

Poıyz tirkemelerden nebári eki metr jerden toqtatyldy, jolaýshylar men poıyz quramyna qaýiptiń aldyn alýǵa múmkindik týdy.

Tirkemeler shuǵyl túrde temirjoldan shyǵarylyp, poıyz jolyn jalǵastyrdy.

Aqparat quqyq qorǵaý organdaryna berildi.

Osyǵan deıin Astana – Jezqazǵan baǵytyndaǵy poıyzda sábı dúnıege kelgeni týraly jazdyq.