Taraz-Shymkent trassasyndaǵy apat: jol qozǵalysy tolyq qalpyna keltirildi
ASTANA. KAZINFORM — Qazir kóliktiń barlyq túriniń qozǵalysyna ruqsat berildi, dep habarlaıdy «QazAvtoJol» UK baspasóz qyzmeti.
2025 jylǵy 7 maýsym saǵat 16:00 jaǵdaı boıynsha Taraz — Shymkent baǵyty boıynsha iri gabarıtti júkpen bolǵan jol-kólik oqıǵasynyń saldary tolyq joıyldy.
— Birneshe kún boıy úlken jumys atqaryldy: aýyr júkti shyǵarý, traldy kóterý jáne joldy qalpyna keltirý. Mamandar táýlik boıy eńbek etip, jaǵdaıdy tez arada retke keltirý úshin bar kúshin saldy. Qazirgi tańda jol tolyq ashyq. Barlyq kólik túrleriniń qozǵalysyna ruqsat berildi. Ýaqytsha qolaısyzdyqtarǵa túsinistikpen qaraǵan júrgizýshilerge alǵysymyzdy bildiremiz, — delingen kompanııa taratqan aqparatta.
Buǵan deıin Taraz-Shymkent baǵytynda jol apatyna sebep bolǵan aýyr tehnıka shyǵarylǵanyn jazǵan edik.
