Taraz-Shymkent baǵytynda jol apatyna sebep bolǵan aýyr tehnıka shyǵaryldy
ASTANA. KAZINFORM — «QazAvtoJol» UK baspasóz qyzmeti «Taraz — Shymkent» avtojolynda bolǵan jol apatyna qatysty jańartylǵan aqparat taratty.
Kompanııa málimetinshe, 2025 jylǵy 7 maýsym saǵat 12:20 jaǵdaı boıynsha kólik qozǵalysy bir jolaqpen kezektesip júzege asyrylyp jatyr.
— Tórt kúnge sozylǵan jumystardyń nátıjesinde iri gabarıtti júk jol jıeginen shyǵaryldy. Qazirgi ýaqytta traldy shyǵarý jumystary jalǵasyp keledi. Bul sharalar aıaqtalǵannan keıin jol jabynynyń jaı-kúıi baǵalanyp, kólik qozǵalysyn tolyq qalpyna keltirý jumystary bastalady. Júrgizýshilerden saqtyq tanytyp, joldaǵy ýaqytsha shekteýlerdi eskerýlerin suraımyz, — delingen vedomstvo habarlamasynda.
Buǵan deıin Mashat asýynda júk kóligi jol apatyna ushyrap, Taraz — Shymkent trassasyn jaýyp tastaǵanyn jazǵanbyz.