Taraz – Shymkent baǵytynda ýaqytsha kólik qozǵalysyna shekteý engizildi
ASTANA.KAZINFORM – QazAvtoJol Taraz – Shymkent baǵytynda ýaqytsha kólik qozǵalysyna shekteý engizilgenin habarlady.
Respýblıkalyq mańyzy bar «RF shekarasy – Mártók – Aqtóbe – Qarabutaq – Qyzylorda – Shymkent – Taraz – Qordaı – Almaty – Qorǵas – QHR shekarasy» avtojolynyń 546-557 shaqyrym aralyǵyndaǵy (eski Kúıik asýy) ýchaskesinde kúrdeli jóndeý jumystarynyń júrgizilýine baılanysty, «QazAvtoJol» UK» AQ Jambyl oblystyq fılıaly Ákimshilik polıtsııa basqarmasymen birlesip, 13 sáýirden bastap Taraz – Shymkent baǵytynda kólik qozǵalysyna ýaqytsha shekteý engizilgenin málimdedi.
Shekteý kezeńinde Taraz – Qarataý baǵyty boıynsha qozǵalys oblystyq mańyzy bar «Taraz – Asa – Aqkól – Saýdakent» jáne «Asa – Qarabastaý» avtojoldary arqyly uıymdastyrylady.
Sonymen qatar Shymkent – Taraz baǵytyna qaraı aýyr júk kólikteriniń qozǵalysy Jańa Kúıik asýy arqyly qamtamasyz etiledi.
– Jol paıdalanýshylardan sapar baǵytyn aldyn ala josparlap, jol qozǵalysy erejelerin qatań saqtaýdy suraımyz, - delingen habarlamada.
Aıta keteıik, Astanada Á.Bókeıhan kóshesinen № 9 emhanaǵa deıingi jol birneshe aıǵa jabylady.
