Taraz – Shymkent aqyly jol ýchaskesinde ortasha jyldamdyqty tirkeý júıesi qaıta iske qosyldy
ASTANA. KAZINFORM – 2026 jylǵy 5 maýsymnan bastap halyqaralyq «Batys Eýropa – Batys Qytaı» kólik dáliziniń Taraz – Shymkent aqyly avtomobıl joly ýchaskesinde kólik quraldarynyń ortasha jyldamdyq rejımin buzý derekterin tirkeý qaıta jandandyryldy.
Osyǵan baılanysty «QazAvtoJol» ulttyq kompanııasy júrgizýshilerge jol boıynda ornatylǵan «Jyldamdyqty shekteý» jol belgileriniń talaptaryn qatań saqtaýdyń mańyzdylyǵyn eskertti.
Ortasha jyldamdyqty baqylaý júıesi jol qozǵalysy qaýipsizdigin arttyrýǵa, jol-kólik oqıǵalarynyń sanyn azaıtýǵa jáne respýblıkalyq mańyzy bar avtomobıl joldarynda júrgizýshilerdiń tártibin kúsheıtýge baǵyttalǵan.
Ortasha jyldamdyq kórsetkishi kólik quralynyń baqylaý aımaǵyna kirgen jáne shyqqan ýaqytyn esepke alý arqyly anyqtalady. Belgilengen jyldamdyq rejımi buzylǵan jaǵdaıda tıisti málimetter Qazaqstan Respýblıkasynyń zańnamasyna sáıkes shara qabyldaý úshin ýákiletti memlekettik organdarǵa joldanady.
«QazAvtoJol» ulttyq kompanııasy jol qozǵalysyna qatysýshylardy jolda muqııat bolýǵa, jol belgileriniń talaptaryn saqtaýǵa, qaýipsiz jyldamdyqty tańdaýǵa jáne jol jaǵdaıyn eskerýge shaqyrdy.
Aıta keteıik, Almatyda júk kólikterine baqylaý kúsheıtildi.
