Taraz sheneýnikteri qoldan qujat jasap, memleket múlkin balanstan shyǵaryp alǵan
TARAZ. KAZINFORM — Qarjylyq monıtorıng agenttigi Jambyl oblysynyń prokýratýrasymen birlesip, Taraz qalasy ákimdiginiń qarjy bóliminiń laýazymdy tulǵalaryna qatysty birqatar zańbuzýshylyqtar boıynsha sotqa deıingi tergeýdi bastady.
Qala ákimdigi qyzmetkerleri memleket kirisine túsken taýarlyq-materıaldyq qundylyqtardyń esepke alynbaýyn paıdalana otyryp, resmı qujattardy qoldan jasaý jolymen sot úkimimen tárkilengen kommertsııalyq jyljymaıtyn múlik pen halyq tutynatyn taýarlardy mekemeniń balansynan zańsyz shyǵaryp alǵan.
Atalǵan azamattardyń zańsyz áreketinen kelgen zalal somasy 100 mln teńgeden asady.
Qazirgi ýaqytta tergeý-jedel is-sharalar, tıisti saraptama jasap jatyr.
Olardyń nátıjesi boıynsha sheshim qabyldanady.
QR QPK-niń 201-babyna sáıkes ózge de aqparat jarııalanbaıdy.
