Taraz perzenthanasynda bir kúnde tórt egiz jup dúnıege keldi



ASTANA. KAZINFORM - Taraz qalalyq kópbeıindi aýrýhanasy jáne konsýltatıvtik-dıagnostıkalyq ortalyǵynyń bosaný blogynda erekshe qýanyshty oqıǵa tirkeldi. Bir kúnde tórt ana egiz bosanyp, segiz sábı ómirge keldi.

Taraz perzenthanasynda bir kúnde tórt egiz jup dúnıege keldi
Foto: QR Densaýlyq saqtaý mınıstrligi

QR Densaýlyq saqtaý mınıstrligi baspasóz qyzmetiniń habarlaýynsha, tórt otbasyna bir mezette qos qýanysh syılaǵan bul jaǵdaı medıtsına ujymy úshin de este qalarlyq sát boldy. Ana men balanyń amandyǵyn qamtamasyz etý jolynda akýsher-gınekologter, neonatologter, akýsherler, anestezıolog-reanımatologter men meıirgerler joǵary kásibılik pen jaýapkershilik tanytty.

-Tórt egiz juptyń bir kúnde dúnıege kelýi - sırek kezdesetin erekshe oqıǵa. Bul - ata-analar úshin sheksiz baqyt, al medıtsına mamandary úshin eńbekteriniń jemisin kórgen sát. Jańa týǵan nárestelerdiń baýy berik, ǵumyry uzaq bolsyn. Analardyń densaýlyǵy myqty bolsyn!, - delingen habarlamada.

Osyǵan deıin Jetisý oblysynda tórtem bosanǵan ana perzenthanadan shyqqany týraly jazdyq.