Taraz ortalyǵyndaǵy dámhana órtendi
TARAZ. QazAqparat – Taraz qalasynyń ortalyǵyndaǵy «Týrkısh Doner» dámhanasy órtendi, dep habarlaıdy QazAqparat tilshisi.
28 shilde kúni Taraz qalasynyń ortalyǵyna taıaý Abaı dańǵyly boıyndaǵy «Týrkısh Doner» kafesiniń shatyrynan órt shyqqan. Jalyn jalpy aýdany 100 sharshy metrdi sharpydy. Bul týraly Jambyl oblystyq tótenshe jaǵdaılar departamentiniń baspasóz qyzmeti habarlady.
«101» nómirine saǵat 11:35-te habarlama kelip tústi. Órt sóndirý bólimsheleri 6 mınýttyn ishinde oqıǵa ornyna jetti. Órt sóndirýshiler kelgen sátte ishte eshkim bolmaǵan. Jambyl oblysy polıtsııa departamentiniń segiz qyzmetkeri men tórt tehnıkasy órt mańyn qorshaýǵa aldy. Órt saǵat 12.01-de aýyzdyqtalyp, 12.09-da tolyq sóndirildi. Oǵan TJD jeke quramnyń 19 qyzmetkeri jáne 4 tehnıka jumyldyrdy», - delingen vedomstvo habarlamasynda.
Qazir órttiń qalaı shyqqany anyqtalyp jatyr.
