Taraz Olımpıada oıyndarynyń Otany - Ejelgi Olımpııamen baýyrlas qala boldy

Taraz qalasy men Ejelgi Olımpııa qalasy arasynda baýyrlastyq qatynastar ornatý týraly aktige qol qoıý saltanatty rásimi ótti, dep habarlaıdy Kazinform QR Syrtqy ister mınıstrliginiń baspasóz qyzmetine silteme jasap.

Baýyrlastyq aktisine ejelgi ýaqytta Olımpıada oıyndarynyń erejeleri jazylǵan Ifıta dıski saqtalatyn, al qazirgi ýaqytta ár 2 jyl saıyn Olımpıada alaýyn tutatý saltanaty ótetin Gera ǵıbadathanasynyń aldynda grek halqy úshin qasıetti jerde qol qoıyldy.

Ákim B.Orynbekov jańa seriktes qalamen yntymaqtastyq ornatý eki qalanyń ózara damýy úshin qolaıly jaǵdaılar jasaý maqsatynda mádenıet, sport, týrızm, ǵylym jáne bilim berý salasynda tájirıbe almasýdy jandandyrýǵa múmkindik beretinin atap ótti.

Óz kezeginde, Mer G. Georgıopýlýs Ejelgi Olımpııa tarıhy 2000 jylǵa sozylatyn jáne Shyǵys pen Batystyń halyqtary men mádenıetteriniń túıisetin jeri bolyp tabylatyn Tarazben dostyq pen baýyrlastyq qatynastar ornatýǵa qýanyshty ekenin aıtty.

Ilııa grek óńiriniń bıznes-qoǵamdastyǵynyń ókilderimen ótken kezdesý barysynda eki eldiń óńirleri men isker toptary arasyndaǵy ekonomıkalyq baılanystardy nyǵaıtý jáne qatynastardy damytý týraly ýaǵdalastyqqa qol jetkizildi.

Ejelgi Olımpııa ıÝNESKO búkilálemdik mura nysandarymen ǵana emes, sonymen qatar Halyqaralyq Olımpıada Komıtetiniń negizgi bilim berý jáne mádenı mekemesi bolyp tabylatyn Halyqaralyq Olımpıada Akademııasynyń onyń aýmaǵynda ornalasýymen tanymal bolyp tabylady.

Taraz ben Ejelgi Olımpııa arasyndaǵy baýyrlastyq qatynastardy ornatýǵa óńiraralyq yntymaqtastyqty damytý maqsatynda QR-nyń Grekııadaǵy Elshiligi men Qazaqstan-Grekııa Іskerlik Keńesi bastamashylyq jasady.

Saltanatty rásimge QR Grekııadaǵy Elshisi Erlan Baýdarbek-Qojataev, Qazaqstan-Grekııa Іskerlik Keńesiniń Teń tóraǵalary Jaqsybek Kúlekeev jáne Tomas Lamnıdıs, Halyqaralyq Olımpıada Akademııasynyń Prezıdenti Isıdoros Kývelos jáne QR Krıttegi Qurmetti konsýly Spırıdon Zannıas qatysty.