Taraz oqýshylary «Kásipkerlik negizderi» pánin oqyp júr
TARAZ. QazAqparat -Bıyl jańa oqý páni respýblıka boıynsha jekelegen mektepterde pılottyq rejımde synalyp jatyr. Sonyń biri retinde Tarazdaǵy №9 orta mektebiniń 10 synyp oqýshylary «Kásipkerlik negizderi» pánin oqýda, dep habarlaıdy QazAqparat.
«Kásipkerlik negizderi» - Qazaqstandaǵy orta bilim beretin mekteptiń 10-11 synyp oqýshylaryna arnalǵan tańdaý páni. 2019 jyly jańa oqý jylynan bastap bul pán barlyq orta mektepterdiń oqý baǵdarlamasyna engiziledi.
«Profıldi pándi tańdaǵan oqýshylardyń barlyǵynan kásipker shyǵady deý qate. Basty mindet - ómirlik qıyndyqtar men máselelerdi múmkindik retinde qabyldap, alynǵan bilimdi óz qyzmetiniń kúndelikti salasynda paıdalanýy úshin oqýshylardyń kásipkerlik turǵydan oılaýyn damytý. Oqý baǵdarlamasy shet eldiń úzdik tájirıbelerin qoldana otyryp jasalǵan jáne Qazaqstan jastaryna jaqyn taqyryptardaǵy keıstik jumystarǵa negizdelgen. Oqýshylar bıznes negizderin ózderi qatarlas mektep partasynda otyrǵan ári jaqynda ǵana túlep ushqan jas kásipkerlerdiń úlgisinde oqıdy. Munyń barlyǵy oqýshylarǵa taza bıznes-protsesterdi tanystyryp, bolashaqta jeke kásip bastaýǵa yntalandyrýy tıis», - dedi Jambyl oblysy kásipkerler palatasynyń adamı kapıtaldy damytý bóliminiń sarapshysy Dinmuhamed Ómirbaıuly.
Bul kitapty qurýda oqytýshylar, ádiskerlerden bólek, bıznespen aınalysatyn kásipkerlerdiń de atsalysqanyn jetkizdi. Jalpy qyrkúıek aıynda bastalǵan oqytý sabaqtary oń nátıje berýde. Aıtalyq, búginge deıin eki oqýshysy oblystyq bilim basqarmasy uıymdastyrǵan baıqaýǵa qatysyp, óz bıznes jobalaryn qorǵap shyqqan.
Aıta ketý kerek, «Kásipkerlik negizderi» oqýlyǵynyń kirispesinde Qazaqstandaǵy kásipkerliktiń tarıhy, bıznestiń túrleri, ekonomıkadaǵy shaǵyn jáne orta bıznestiń róli, memlekettik qoldaýdyń túrleri startap jobalar týraly túsinikti qamtysa, negizgi bóliminde naryq, aqsha, bıýdjet, resýrs sózderiniń maǵynalaryn túsindirý qarastyrylǵan. Oqý baǵdarlamasy shet eldiń úzdik tájirıbelerin qoldana otyryp jasalǵan, oqý protsesi geımıfıkatsııaǵa jáne Qazaqstan jastaryna jaqyn taqyryptardaǵy keıstik jumystarǵa negizdelgen. Oqýshylar bıznes negizderin ózderi sekildi mektep partasynda otyrǵan ári jaqynda ǵana túlep ushqan vaınerler men jas kásipkerlerdiń úlgisinde oqıdy. Munyń barlyǵy oqýshylarǵa taza bıznes-protsesterdi tanystyryp, bolashaqta jeke kásip bastaýǵa yntalandyrýy tıis.
Bastamashylar baǵdarlama men oqý materıaldaryn jasaı otyryp, barlyq oqýshydan kásipker men bıznesmen daıyndaýdy maqsat etpeıdi. Basty mindet - ómirlik qıyndyqtar men máselelerdi múmkindik retinde qabyldap, alynǵan bilimdi óz qyzmetiniń kúndelikti salasynda paıdalanýy úshin oqýshylardyń kásipkerlik turǵydan oılaýyn damytý.
Ǵıbrat Sembaı
