Taraz memlekettik pedagogıkalyq ınstıtýtynyń 50 jyldyǵy toılandy
ASTANA. QazAqparat - Búgin Taraz memlekettik pedagogıkalyq ınstıtýnynyń 50 jyldyq mereı toıyna oraı birshama is-sharalar uıymdastyryldy, dep habarlaıdy oblystyq ákimdiktiń baspasóz qyzmeti.
Onyń ishinde Qazaqstan Respýblıkasynyń Parlamenti Májilisi tóraǵasynyń orynbasary G.Isimbaevanyń, Bilim jáne ǵylym mınıstri E.Saǵadıevtiń, Ulttyq akademııasynyń prezıdenti M.Júrinovtyń, Jambyl oblysynyń ákimi K.Kókrekbaevtyń jáne Taraz memlekettik pedagogıkalyq ınstıtýtynyń rektory D.Qojamjarovanyń qatysýymen TarMPI Mýzeıiniń, Qazaqstan Respýblıkasy Tuńǵysh Prezıdenti atyndaǵy májilis zalynyń, Rektorlar Alleıasynyń saltanatty ashylý rásimi jáne «Bolashaqqa hat» kapsýlasyn memorıaldy taqtaıshanyń astyna bekitý rásimderi ótkizildi.
Sonymen qatar, «Balasaǵun» ortalyq kontsert zalynda «Zamanaýı bilim berý tendentsııalary: bolashaqqa kózqaras» taqyrybynda І Halyqaralyq ǵylymı Kongressi ótkizildi. Kongreste oblys ákimi K.Kókirekbaevtyń, QR Parlamenti Májilisi Tóraǵasynyń orynbasary G.Isimbaevanyń, QR Bilim jáne ǵylym mınıstri E.Saǵadıevtiń, Ulttyq ǵylym akademııasynyń prezıdenti, hımııa ǵylymdarynyń doktory, professor, akademık M.Júrinovtyń, Qazaqstannyń Eńbek Eri, TarMPI túlegi A.Mırazovanyń, Halyqaralyq túrki Akademııasynyń prezıdenti, «Egemen Qazaqstan» respýblıkalyq gazeti» AQ-nyń Basqarma tóraǵasy, QR UǴA-nyń korrespendent-músheci, t.ǵ.d., professor D.Qydyráliniń jáne basqa da sheteldik ýnıversıtet professorlarynyń quttyqtaýlary men baıandamalary tyńdalady. Kongress sońy «Urpaqtar sabaqtastyǵy» atty TarMPI túlekteriniń slety, sondaı-aq ınstıtýttyń juldyzdy túlekteriniń qatysýymen ótken gala-kontsertke ulasty.
Óz kezeginde ınstıtýttyń ósip-órkendeýi úshin eńbek etken, shákirt tárbıeleýdegi eleýli úlesi úshin «Qurmet» ordenimen, «Y.Altynsarın», «QR Bilim berý qurmetti qyzmetkeri», «QR ǵylymı damýyna sińirgen eńbegi úshin» tósbelgisimen jáne Jambyl oblysy jáne Taraz qalasy ákiminiń Qurmet gramotasy men Alǵys hatymen, oblystyq jáne qalalyq máslıhatynyń Qurmet gramotasymen, «Nur Otan» partııasy oblystyq fılıalynyń Qurmet gramotasymen, oblystyq Kásipodaq uıymynyń gramotasymen úzdik qyzmetkerler marapattaldy.
Eske sala keteıik, Qazaqstan Kompartııasy Ortalyq Komıteti men QazSSR Joǵarǵy Keńesiniń 1967 jylǵy 13-mamyrdaǵy №340 Qaýlysyna sáıkes QazSSR Joǵary jáne arnaıy orta bilim berý mınıstrliginiń №401 buıryǵymen Oktıabrdiń 50 jyldyǵy atyndaǵy Jambyl pedagogıkalyq ınstıtýty ashylǵan bolatyn.
2004 jyldyń sáýirinde Qazaqstan Respýblıkasy Bilim jáne ǵylym mınıstrliginiń «Qazaqstan Respýblıkasy Úkimetiniń №128, 2004 jylǵy 3-aqpandaǵy sheshimderin júzege asyrý týraly» №174, 2004 jylǵy 4-naýryzdaǵy buıryǵyna sáıkes Taraz memlekettik pedagogıkalyq ınstıtýty bolyp qaıta quryldy.
Búgingi tańda TarMPI - stýdentteriniń oqý úderisin, turmys-tirshiligi men bos ýaqytyn tıimdi uıymdastyrý jaǵdaıynda ınfraqurylymy damyǵan joǵary oqý orny. Zamanaýı zerthanalarmen, lıngafondy kabınettermen, kompıýterlik jáne ınternet dárishanalarymen, ınteraktıvti taqtamen, elektrondy oqý zaldarymen jabdyqtalǵan 8 oqý ǵımaratynda 29 bakalavrıat mamandyǵy boıynsha 6 myńǵa jýyq stýdent bilim alady.
