Taraz mektepterinde uıaly telefondy qoldanýǵa tyıym salyndy
«Gadjetterdi paıdalanýǵa salynǵan tyıym uıaly telefondardyń urlyǵyn boldyrmaýmen baılanysty sharalardyń biri retinde qolǵa alyndy», - dep naqtylady qala prokýrory Bekzat Seıilhan.
Jambyl oblystyq ІІD-niń jergilikti polıtsııasynyń málimetinshe, óńirdegi qylmystardyń reıtınginde uıaly telefondardyń urlyǵy birinshi orynda tur. Ótken 2016 jyly polıtsııa qyzmetkerleri uıaly telefondardyń urlyǵymen aınalysyp kelgen 12 uıymdasqan qylmystyq toptyń jolyn kesti.
«Profılaktıkalyq jumystyń báseńdeýi kámeletke tolmaǵandar arasyndaǵy qylmystyń artýyna alyp keldi. Búginde Tarazda kámeletke tolmaǵandarmen 28 mobıldi top jumys isteıdi. Oqýshylar arasynda saýalnama ótkizildi, mektepter ýchaskelik ınspektorlarmen jáne beınekameralarmen qamtamasyz etildi. Mektepterde gadjetterdiń qoldanylýyna tyıym salyndy», - dedi B.Seıilhan.
Bul rette, jańashyldyqqa qarsylyq bildirgen ata-analar túrli ınstantsııalarǵa shaǵymdaryn túsire bastady.