Taraz mektepterinde 300-ge jýyq pedagog jetispeıdi
TARAZ. QazAqparat - Taraz qalasyndaǵy bilim mekemelerine 300-ge jýyq pedagog jetispeıdi. Al eki qolǵa bir kúrek izdegen jandardyń kópshiligi bul týraly bile bermeıdi. Bul týraly QazAqparat 24.kz saıtyna silteme jasap habarlaıdy.
Osyǵan oraı shaharda bos jumys oryndarynyń jármeńkesi ótti. Igi bastamaǵa qatysqan 76 jumys berýshi 380 bos jumys ornyn usynǵan. Onyń 288-i pedagogıkalyq, al 100-ge jýyǵy tehnıkalyq qyzmetkerlerge tıesili mamandyqtar. Al jumys izdep kelýshilerdiń sany 1000-ǵa jetti. Múmkindikti múlt jibermeýge tyrysqan jumyssyz azamattar tıisti mekemelerge joldama alyp, baqtaryn synap kórmek.
"Qazirgi tańda 60 mekteptiń barlyǵynyń bos oryndar boıynsha ótinishteri tústi. Sosyn jańaǵy balabaqshalarymyzdan túsip jatyr. Bizdiń qalamyz boıynsha matematıka, orys tili mamandary tapshy bolyp tur. Jáne bastaýysh synyp muǵalimderi jetispeıdi. Osyǵan baılanysty biz búgingi jármeńkede olardyń barlyqtaryn shyǵaryp otyrmyz" deıdi qalalyq jumyspen qamtý ortalyǵynyń dırektory Eldos Keńesbekov.
