Taraz mańyndaǵy qumdy aımaqtan taǵy bir áýe bombasy tabyldy
TARAZ. QazAqparat – Jambyl oblysynyń quqyq qorǵaý organdaryna taǵy bir áýe bombasynyń tabylǵany týraly habar kelip tústi, dep habarlaıdy QazAqparat tilshisi.
Jambyl oblystyq polıtsııa departamentiniń baspasóz qyzmetiniń habarlaýynsha, 22 aqpan kúni Baızaq aýdanynyń polıtsııa bólimine 29 jastaǵy turǵyn habarlasqan.
Ol Aqjar aýylynan 15 shaqyrym jerdegi qumdy aýmaqta, burynǵy áskerı polıgon aýmaǵynda snarıad jatqanyn jetkizgen.
«Snarıad anyqtalǵan jerge tez arada polıtsııa departamenti men «Ońtústik» óńirlik qolbasshylyǵynyń 28349 áskerı bóliminiń saperleri jiberildi. Snarıad «OFAB-100» modeliniń jaryqshaqty-fýgasty áýe bombasy ekeni anyqtaldy», - dep túsindirdi vedomstvodan.
