«Taraz» komandasy voleıboldan Qazaqstan chempıony atandy

PAVLODAR. KAZINFORM – Pavlodarda voleıboldan erlerdiń Ulttyq lıga komandalary arasynda HHHІІ Qazaqstan chempıonaty máresine jetti. 

Búgin alań ıeleri – ótken jylǵy el chempıony «Pavlodar» komandasy «Taraz» voleıbol klýbymen fınalda úshinshi kezdesýin ótkizdi. 

Buǵan deıin qos klýb chempıondyq úshin ótken oıynda bir-birden jeńiske jetken edi – 1:1. 

Bul joly birinshi partııada Igor Nıkolchenko jattyqtyratyn pavlodarlyqtar 30:28 esebimen basym tústi. Alaıda budan keıin tarazdyqtar (bas bapkeri Andreı Patrakov) kambek jasady: 25:21, 25:14, 25:15. 

Osylaısha «Pavlodardy» óz alańynda 3:1 esebimen jeńgen «Taraz» el chempıon atandy. «Pavlodar» kúmisti qanaǵat tutsa, «Esilge» (SQO) qola medal buıyrdy.

Chempıonat qorytyndysy boıynsha jeńimpazdar men júldegerler, úzdik oıynshylar marapattaldy.

Eske sala keteıik, budan buryn voleıboldan Qazaqstan chempıonatynda altyn úshin aıqasta «Tarazdyń» tarazy basyn teńestirgenin jazǵan bolatynbyz.