Taraz qant zaýyty qyzylsha óndirýshilerge qoldaý kórsetedi
TARAZ. QazAqparat - Jambyl oblysynyń ákimi Asqar Myrzahmetovtiń esebinde oblystaǵy qant qyzylshasyn ósiretin sharýalarynyń máseleleri kóterildi, dep habarlaıdy QazAqparat tilshisi.
Shý aýdanynyń sharýa qojalyqtarynyń ókilderi jınalǵan ónimdi qabyldaý bólimine jetkizýdiń qıyndyqtaryn alǵa tartty.
Óńir basshysy Asqar Myrzahmetov jýyrda «Ortalyq Azııa qant korporatsııasy» JShS basshylyǵymen qant qyzylshasyn óndirýshilerge jeńildikter berý týraly kelisimge qol jetkizilgenin aıtty.
Budan tys, Taraz qant zaýyty bıyl qant qyzylshasynyń tapsyrylǵan óniminiń aqysyn tóleý merzimin ózgertti. «Endi burynǵydaı 90 kún emes, 60 kún ishinde qant qyzylshasynyń aqysyn tóleıtin bolamyz», - deıdi kompanııanyń atqarýshy dırektory Aleksandr Shlegel.
Kóp jyldyq toqyraýdan keıin Jambyl qant zaýyttary turaqty jumys isteı bastady. Merki qant zaýyty jańǵyrtylyp, qant qyzylshasyn óńdeý kólemin ulǵaıtty. Al Taraz qant zaýytynda qant óndirý kólemi 55%-ǵa artty.
