Taraz qalasynyń eki turǵyny reıderlik áreketi úshin sottaldy
Komıtettiń Jambyl oblysy boıynsha Ekonomıkalyq tergeý departamenti eki turǵynǵa qatysty zańdy tulǵaǵa zańsyz baqylaý ornatý (reıderlik) faktisi boıynsha qylmystyq isti tergedi.
Tergeý barysynda 2004-2011 jyldar aralyǵynda barlyǵy úsh kásiporyn - «Taraz InKom» JShS, «Indýstrıalnyı resýrs» JShS, «NNP Convergo Nursad» JShS qurylyp, olardaǵy úles aıyptalýshylar (3 kompanııadaǵy úles : 40%, 49%, 50%) jáne jábirlenýshi tarap (3 kompanııadaǵy úlesi: 20%, 51%, 50%) arasynda teń emes bólikke bólingendigi anyqtaldy.
«2018-2020 jyldary Taraz qalasynda aldyn-ala sóz baılasa otyryp, eki sybaılas joǵaryda atalǵan kásiporyndar boıynsha 100% qatysýshylardyń jalpy jınalysynyń resmı kvorýmyn jarııalaı otyryp, jalpy jınalystardyń hattamalaryn jasady, ózderi jınalystyń tóraǵasy jáne hatshysy retinde hattamaǵa qol qoıǵan. Bul rette zardap shekken taraptyń ornyna da qol qoıǵan.
Jalpy jınalystyń qorytyndylary boıynsha aıyptalýshylardyń birin shottar ashý, bank kartalarynda jáne qarjylyq qujattarda, kelisimsharttarda birinshi qol qoıý quqyǵymen, kásiporyndardyń bank shottaryndaǵy qarajattardy ıelikten shyǵarý quqyǵymen seriktestikterdiń dırektory etip taǵaıyndaý týraly sheshimder qabyldanady, sondaı-aq ádilet organdaryndaǵy zańdy mekenjaılary ózgertiledi.
Osylaısha, jábirlenýshi tarap kásiporyndardaǵy qatysýshynyń úlesinen aıyryldy», delingen habarlamada.
Taraz qalasynyń №2 sotynyń ókimimen Qylmystyq kodekstiń 249-baby, 2-bóligi, 1-2-tarmaǵyna sáıkes aıyptalýshy R.Nurbaev jáne B.Bekov shartty túrde 3 jylǵa sottaldy.
