Taraz qalasynyń ákimi Erjan Jylqybaev qyzmetinen ketti

TARAZ. QazAqparat – Taraz qalasynyń ákimi Erjan Jylqybaev qyzmetinen ketti. Bul týraly ol óziniń Іnstagram-daǵy resmı paraqshasynda jazdy, dep habarlaıdy QazAqparat tilshisi.

«Qurmetti tarazdyqtar, qadirli jerlester! Senim artylǵan soń, elimizdiń kez kelgen óńirinde memlekettik saıasatty iske asyrý – árbir memlekettik qyzmetshiniń mindeti. Alaıda, sol mindettiń bastalatyny sııaqty, aıaqtalatyn da kezeńi bolady. Ol – zańdylyq. Sondyqtan, men ózimniń Jambyl jerindegi qyzmetimdi toqtatyp, taǵy bir ómir belesine óttim», - dep jazdy Taraz qalasynyń ákimi.

Sonymen qatar, Erjan Jylqybaev áriptesterine alǵys bildirip, aıaqtalmaı qalǵan jobalar úshin shahar turǵyndarynan keshirim surady.