Taraz qalasyndaǵy úsh jasar qyzdyń endi eki «ókil ákesi» bar
TARAZ. Shildeniń 2-si. QazAqparat - Taraz qalasyndaǵy úsh jasar qyzdyń endi eki «ókil ákesi» bar. Olar - alańdaýshylyqpen polıtsııaǵa kómek surap habarlasqan beıtanys jan men dabyl qońyraýyna jaýap qaıtarǵan ІІD Jedel basqarý ortalyǵynyń ınspektory polıtsııa leıtenanty Ǵalymjan Asanov, dep habarlaıdy Jambyl oblystyq ІІD baspasóz qyzmetinen Roza Qaldybekova.
Budan keıingi habardy ІІD jedel kezekshisi polıtsııa podpolkovnıgi Ǵanı Baınazarov qabyldady. Qońyraý mamyr aıynyń sońynda tún ortasynda túsken. «Búrkit-1» ekıpajy sanaýly mınýttarda-aq oqıǵa ornyna kelip jetip, kip-kishkentaı balany tabady. Sábıdi ýaqytsha qabyldaǵan jaqyn mańdaǵy tirek pýnktiniń polıtseıleri ony oınatyp, anasynyń kele jatqandyǵyn aıtyp jubatty. Dál osy ýaqytta tártip saqshylary jerge tún qarańǵylyǵy túskenine qaramastan, onyń ata-anasyn izdeýge asyǵady. Jarty saǵat ótkende tirek pýnkti mańyndaǵy birneshe úılerden keıin olar qyzyn izdep jylaǵan áıeldi baıqaıdy. Qyzynyń aman-esendigine kózi jetken anasy sábıiniń esik aldynda oınaǵanyn, al ózi odan bir sátke kóz jazyp qalǵanyn aıtyp, mán-jaıdy túsindirdi... 8-móltek aýdanynyń turǵyny qyzyn qutqarǵan polıtseılerdiń qaıyrymdylyǵy men sheberligine jyly shyraımen alǵys bildirip, endi balany qaraýsyz qaldyrmaıtynyna ýáde berdi.
