Taraz qalasyndaǵy Bereke bazarynan órt shyqty

TARAZ. QazAqparat - Taraz qalasyndaǵy «Bereke» bazarynan órt shyqty dep habarlaıdy, QazAqparat Jambyl oblystyq Tótenshe jaǵdaılar departamentine silteme jasap.

«30 qyrkúıekte saǵat 7.52-de óńirdegi departamenttiń órt sóndirý jáne avarııalyq-qutqarý jumystary qyzmetiniń kúshteri men quraldaryn jedel basqarý ortalyǵynyń 101 telefonyna Taraz qalasy Mámbet batyr kóshesindegi «Bereke» bazarynyń ashanasy men saýda dúńgirshekterinde órt shyqqandyǵy týraly habarlama tústi. Oqıǵa ornyna joǵary shaqyrtý boıynsha departament bólimsheleriniń kúshteri men quraldary, atap aıtqanda 56 qyzmetker jáne 13 tehnıka shyqty», - dep jazdy vedomstvodan.

Órt sóndirýshilerdiń jalpy kúshimen órt saǵat 8.30-da oqshaýlanǵan, órtti joıý jumystary jalǵasýda.

Órtten qaza bolǵandar men zardap shekkender joq. Órttiń sebebi anyqtalýda.