Taraz qalasyndaǵy basqarma basshysyna jemqorlyq qylmys jasady degen aıyp taǵyldy
«Jambyl oblysynda, jeke kásipkerge qatysty tekserýdi zańsyz uıymdastyrý jolymen ákimshilik jaýapkershilikke zańsyz tartýǵa májbúrlegen «Taraz qalasynyń taýarlar men kórsetiletin qyzmetter sapasy men qaýipsizdigin baqylaý basqarmasynyń» RMM basshysynyń ústinen qyzmettik ókilettigin asyra qoldanǵany úshin sotqa deıingi tergeý bastaldy», delingen habarlamada.
Atalmysh ákimshilik is júrgizý sheshimderi Taraz qalasy prokýratýrasynyń narazylyǵy boıynsha joıylǵan.
Buǵan deıin habarlanǵandaı, atalǵan laýazymdy tulǵa jeke kompanııa ókilinen sanıtarlyq-epıdemıologııalyq oń qorytyndy bergeni jáne kásipkerlik qyzmetke zańsyz qatysqany úshin 100 myń teńge somasynda para aldy dep aıyptalǵan bolatyn.
Qazir sotqa deıingi tergeý jalǵasýda.
«Kúdiktige qatysty túpkilikti sheshimdi onyń kinásiniń deńgeıin anyqtaý arqyly sot qabyldaıtyn bolady», delingen habarlamada.
