Taraz qalasyndaǵy №31-shi mektepke jarylǵysh zat qoıyldy degen jalǵan aqparat úshinshi kúni de tústi

Bul týraly QR Tótenshe jaǵdaılar mınıstrliginen habarlady.

Buǵan deıin habarlanǵandaı, eki kún qatarynan, ıaǵnıqyrkúıektiń 27, 28-i kúnderi tańerteńgilik ýaqytta Tótenshe jaǵdaılar departamentiniń kezekshi bólimine Tóńkeris kóshesinde ornalasqan №31-shi mektep ǵımaratyna jarylǵysh zat qoıyldy degen anonımdi habarlar tústi. Aqparattar alynysymen, mektepke jedel áreket etý qyzmetteri dereý jóneltildi. Eki kún boıy ǵımaratta barlyǵy 120-dan astam maman men 30-ǵa jýyq tehnıka jumys istedi. Ár kúni 600-ge jýyq adam qaýipsiz jerge kóshirilip otyrdy. Júrgizilgen arnaıy is-sharalar barysynda jarylǵysh zattar birinshi kúni de, ekinshi kúni de tabylmady.

Tótenshe jaǵdaılar mınıstrliginiń búgin, tańerteń taratqan aqparatyna sáıkes, Taraz qalasyndaǵy atalmysh №31-shi mektepke jarylǵysh zattyń qoıylǵandyǵy týraly anonımdi aqparat keshe, qyrkúıektiń 29-y kúni de alynǵan. Habarǵa sáıkes, tótenshe jaǵdaıdy joıýǵa 78 adam men 16 tehnıka shuǵyl attandyryldy, onyń ishinde 24 adam men 6 tehnıka Jambyl oblysy boıynsha TJD-nyń jeke quramy.

Ǵımarattan 527 adam qaýipsiz jerge aýystyryldy. Arnaıy is-sharalardan keıin, bul kúni de alynǵan habar jalǵan bolyp shyqty.

Qutqarýshylar anyqtaǵandaı, barlyq jaǵdaılarda qurbandar men zardap shekkender joq.