Taraz qalasy «qyzyl» aımaqqa endi
Taraz qalasynyń «qyzyl» aımaqqa ótýine baılanysty qabyldanǵan qaýlyǵa ózgerister men tolyqtyrýlar engizildi. Bul týraly búgin óńirlik kommýnıkatsııalar qyzmeti alańynda ótken brıfıngide oblystyq sanıtarııalyq-epıdemıologııalyq baqylaý departamenti basshysynyń orynbasary Baǵlan Qydyrbaev aıtty.
Spıkerdiń sózinshe, aýrý órshigen tusta aldymen medıtsınalyq maska kııý qatań saqtalýy kerek. Máselen, qoǵamdyq úı-jaılarda, qoǵamdyq kólikte 5 jasqa deıingi balalardy qospaǵanda qoǵamdyq tamaqtaný oryndarynda betperde kııý talaptary tasa qalmaýy tıis. «Qyzyl» aımaqqa enýge baılanysty mektepterdi 1-8, 10 synyptary onlaın formatta oqýǵa kóshiredi.
«Shekteý sharalaryna baılanysty shaharda ózgerister kóp bolady. Máselen, oıyn-saýyq, sporttyq is-sharalardy, kórmelerdi, forýmdardy, konferentsııalardy, sondaı-aq otbasylyq, saltanatty, estelik is-sharalardy (banketter, úılený toılary, mereıtoılar, eske alý), ótkizýge. Senbi jáne jeksenbi kúnderi saýda-oıyn-saýyq ortalyqtarynyń, saýda úıleri men jelileriniń (onyń ishinde onda ornalasqan azyq-túlik sýpermarketteri men dárihanalardy qospaǵanda) obektilerdiń jumysyna. Jeksenbi kúnderi ashyq bazarlardyń (azyq-túlik, azyq-túlik emes) jumysyna. Senbi jáne jeksenbi kúnderi jabyq bazarlardyń (azyq-túlik jáne azyq-túlik emes), saýnalardyń, SPA ortalyqtarynyń, basseınderdiń, sport keshenderiniń, sporttyq-saýyqtyrý ortalyqtarynyń jáne fıtnes-ortalyqtardyń jumysyna tyıym salyndy», - dedi Baǵlan Qydyrbaev.
Sondaı-aq, spıker óz sózinde mádenıet nysandary da túrli sharalaryn shekteıtinin aıtty. Máselen, teatrlardyń, kınoteatrlardyń, kontsert zaldarynyń qyzmetine de toqtaý salynbaq. Oıyn-saýyq oryndary da jumys barysyn toqtady.
ıAǵnı, karaoke, banket zaldary, bılıard, kompıýterlik klýbtar, túngi jáne oıyn klýbtary, boýlıng bar. Balalardyń oıyn-saýyq ortalyqtary onyń ishinde oıyn alańdary, jabyq úı-jaılardaǵy attraktsıondar, batýttar da óz qyzmetin toqtatady.
Sanıtarlyq talaptardy saqtaı otyryp, saǵ., 07.00- 23.00 deıin sýpermarketter men gıpermarketterdiń qyzmet etýine ruqsat. Qoǵamdyq tamaqtandyrý obektileriniń qyzmetine saǵat 09.00- 20.00-ge deıin ǵana. Sonymen qatar, saǵat 07.00-den bastap saǵat 05.00-ge deıin qoǵamdyq tamaqtaný obektileri men fýd korttardyń qyzmetine tek jetkizýge jáne áketýge ruqsat. Al aýdany 2000 sharshy metrge deıingi azyq-túlik emes dúkenderiniń (jeke turǵan) qyzmetine shekteý joq. Keńse, uıym qyzmetkerlerin 80% qashyqtyqtan jumys isteýge kóshirý, 20％ kúndizgi rejımge aýystyrý júrgizilmek. Halyqqa qyzmet kórsetý ortalyqtarynyń, bankterdiń, «Qazpochta» AQ bólimsheleri saǵat 9.00-18.00-ge deıin qyzmet kórsetedi. Aıta keteıik, jańasha túrlengen №2 qaýlyny 16 sáýirde oblys Bas memlekettik sanıtarııalyq dárigeri qabyldaǵan bolatyn.
