Taraz qalasynyń turǵyny jalǵan qujatpen memleketten zańsyz páter alǵan

TARAZ. KAZINFORM — Jalǵan qujat rásimdeý arqyly ózin memlekettik qyzmetshi retinde usynǵan Taraz qalasynyń turǵyny memleketten zańsyz baspana alǵany anyqtaldy. Bul týraly Jambyl  oblysynyń prokýratýrasy málim etti. 

— Taraz qalasy ákimdiginiń turǵyn úı qatynastary bóliminde turǵyn úı zańnamasynyń saqtalýyna júrgizilgen tekserý nátıjesinde azamatsha «S» jalǵan anyqtama usynyp, ózin memlekettik qyzmetshi retinde kórsetip, Taraz qalasyndaǵy «Uly Dala» shaǵyn aýdanynan memlekettik turǵyn úı qorynan zańsyz eki bólmeli páter alǵany anyqtaldy, — delingen habarlamada. 

Sot-saraptamalyq zertteýiniń qorytyndysyna sáıkes usynylǵan anyqtamanyń jalǵan ekeni belgili boldy.

— Prokýratýranyń nusqaýymen, 22.07.2025 jyly atalǵan alaıaqtyq faktisi boıynsha Taraz qalasy PB-men QK-niń 190-babynyń 3-bóligimen sotqa deıingi tergep-tekserý bastaldy, — dep habarlady oblystyq prokýratýradan.

Qazirgi ýaqytta atalǵan jyljymaıtyn múlikti memlekettik qoryna qaıtarý jumystary júrgizilýde, ol keıinnen turǵyn úıge muqtaj azamattarǵa beriledi.

QPK-niń 201-babyna sáıkes ózge aqparat jarııa etilmeıdi.

Buǵan deıin habarlanǵandaı, Jambyl oblysynda memleketten zańsyz 321 mln teńge sýbsıdııa alǵan basshylar sottaldy.