Taraz qalasynyń aýmaǵy keńeıedi
ASTANA. KAZINFORM — Ashyq normatıvti quqyqtyq aktiler portalynda Taraz qalasy, Jambyl jáne Baızaq aýdandarynyń shekarasyn ózgertý jáne belgileý týraly ákimdikter men máslıhattardyń birlesken qaýlysy men sheshimi jarııalandy.
«Taraz qalasynyń shekarasyna Jambyl aýdanynan — jalpy kólemi 11 257,9181 gektar, Baızaq aýdanynan — 1 761,2014 gektar jer bóligin qosý arqyly Taraz qalasynyń shekarasy ózgertilip, shekaranyń jalpy kólemi 31 798,0742 gektar bolyp, Jambyl oblysy ákimdiginiń qaýlysy men Jambyl oblystyq máslıhatynyń sheshiminiń qosymshasyna sáıkes belgilensin», — delingen qaýlyda.
Osylaısha qala aýmaǵyn 18 787 gektardan 31 798 gektarǵa deıin ulǵaıtý kózdelip otyr.
Qujatqa sensek, Taraz alańynyń ulǵaıýy páter kezeginde turǵan azamattardy turǵyn úımen jáne jeke úı salý úshin jer ýchaskesimen qamtamasyz etýge múmkindik beredi.
Sonymen qatar, qosylǵan aýmaqtarda óndiristik qýatty damytý josparlanyp otyr. Sebebi, búginde bos keńistiktiń joqtyǵy ınvestorlardyń ártúrli jobalar salýǵa degen suranysyn qanaǵattandyrýǵa múmkindik bermeı otyr.
