Taraz qalany qardan tazalaý jumystaryna belsene kirisip ketti
TARAZ. 23 aqpan. QazAqparat /Galına Skrıpnık/ - Aımaqta 22-inen 23-ine qaraǵan túni tolassyz jaýǵan qardyń saldarynan Taraz qalasynyń kommýnaldyq qyzmetteri jedel sharalardy qolǵa aldy.
QazAqparat tilshisine qala ákimdiginiń baspasóz qyzmetinen habarlaǵandaı, 23 aqpan kúni 01 saǵat 30 mınýttan bastap oblys ortalyǵynyń kóshelerin qardan tazartý jáne joldarǵa qum men tuz sebý jumystary júrgizilýde. Osy maqsatta toǵyz qar jınaıtyn tehnıka men tórt qum shashatyn avtokólik jumyldyryldy. Jaıaý júrginshiler joldary, alańdar men gúl baqtaryn qardan tazartý úshin MTZ-82, MK-320 traktory, avtotıegish, avtogreıder men ózge de tehnıka tartyldy.
Muztaıǵaqty joıý úshin 38 tonnadan astam tuz ben shamamen 120 tekshe metr qum paıdalanylady. Qala aýmaǵyn tazartý jumystarynda 79 kóshe qamtyldy.
Qazirgi ýaqytta Taraz qalasynda qardan tazartý jumystary jalǵasýda, dep habarlaıdy baspasóz qyzmeti.
