Taraz hırýrgteri tis shuqyǵysh jutyp qoıǵan naýqasty qutqardy

TARAZ. QazAqparat – Taraz hırýrgteri tis shuqyǵyshty jutyp qoıǵan adamdy qutqardy, dep habarlaıdy QazAqparat Densaýlyq saqtaý mınıstrliginiń telegram kanalyna silteme jasap.

Taraz qalalyq kópbeıindi aýrýhanasyna ishiniń qatty aýyrýy men álsizdigi bar 54 jastaǵy er adam emdeýge jatqyzyldy. Naýqas óziniń 4 kún boıy aýyrǵanyn aıtqan. Biraq, medıtsınalyq kómekke júginbegen. Qatty aýyrsynǵannan keıin jedel járdem shaqyryp, aýrýhanaǵa jetkizilgen.

Hırýrgııalyq bólimsheniń meńgerýshisi, laparoskopııa boıynsha tájirıbeli jáne bilikti maman Ǵabıden Rahymjanovtyń bastamasymen dárigerler – Bektash Dúrsinov pen Álimbek Beknur kompıýterlik tomografııa júrgizdi. Ol naýqastyń ish qýysynda tis tazalaǵysh turyp qalǵanyn kórsetken.

«Bógde zatty alyp tastaý» ádisi boıynsha shuǵyl laparoskopııalyq operatsııa jasaldy. Operatsııa kezinde uzyndyǵy 4 sm jáne dıametri 2 mm uzyn jińishke aǵash taıaqsha (tis shuqyǵysh) alyndy.

Sátti júrgizilgen operatsııadan keıin naýqas esin jıyp, birneshe kún buryn qazy jegenin aıtady. Ol etpen birge tis tazalaıtyn aǵashtyń óńeshke túskenin baıqamaǵan bolýy kerek.