Taraz garnızonynda áskerıler koronavırýs juqtyrǵan: Jaýapty ofıtserler jazalandy

NUR-SULTAN. QazAqparat - Qarýly Kúshterde «Ońtústik» óńirlik qolbasshylyǵy áskerı bólimderiniń birinde oryn alǵan áskerı qyzmetshilerdiń aýrýynyń faktisi boıynsha tergeý aıaqtaldy, dep habarlaıdy QR Qorǵanys mınıstrliginiń baspasóz qyzmeti.

Tergeý barysynda Taraz garnızonynyń 10-nan asa áskerı qyzmetshiniń aýrýǵa shaldyǵýyna ákep soqtyrǵan buzýshylyqtar anyqtaldy. Atap aıtqanda, bólimniń basshylyǵy men medıtsınalyq qyzmet tarapynan aldyn-alý sharalary tolyqqandy uıymdastyrmaǵan jáne baqylaý bolmaǵan.

Qorǵanys mınıstrliginiń basshylyǵy jaýapty laýazymdy tulǵalarǵa qatysty qatań sharalar qabyldady. Áskerı bólim jáne medıtsınalyq qyzmet qolbasshylyǵy, sondaı-aq «Ońtústik» óńirlik qolbasshylyǵynyń bólimshelerin tyldyq qamtamasyz etýmen aınalysatyn birqatar ofıtserler tártiptik jaýapqa tartyldy.

Áskerı basshylyq Qarýly Kúshterdiń áskerı bólimderi men mekemelerinde koronavırýstyń taralýyna jol bermeý jóninde qosymsha sharalar qabyldaýdy, aldaǵy ýaqytta osyndaı jaǵdaılarǵa jol bermeý úshin olardyń saqtalýyna qatań baqylaýdy qamtamasyz etý tapsyrdy.