Taraz fýtbolshylary búgin sankt-peterborlyqtarmen kúsh synasady
ALMATY. 18 aqpan. QazAqparat - Búgin Jambyl oblysynyń «Taraz» fýtbol klýby Túrkııanyń Antalııa qalasyndaǵy oqý-jattyǵý jıyny aıasynda Reseıdiń Sankt-Peterbor qalasynyń «Petrotrest» komandasymen alǵashqy sparrıng-matchyn ótkizedi.
2011 jyly Leonıd Tkachenko bas bapker bolyp taǵaıyndalǵan soń sankt-petorborlyqtar 2011/2012 jylǵy maýsymda ekinshi dıvızıonnyń «Batys» aımaǵynda 1-shi oryn alǵan bolatyn. 2012/2013 jylǵy maýsymda olar endi óz baǵyn Ulttyq lıgada synap júr.
Serbııalyq bas bapker Lıýbomır Petrovıch jattyqtyratyn tarazdyqtardyń bul - osy jıyndaǵy ekinshi matchy. Olar keshe buǵan deıin Rýmynııanyń Ekinshi lıgasynda óner kórsetip júrgen Tyrgý-Mýresh qalasynyń «Tyrgý-Mýresh» komandasyn 1:0 esebimen utqan. Ioan Ovıdıý Sabeý baptaıtyn tyrgý-mýreshtikter 2011/2012 jylǵy maýsymda Birinshi lıgada 15-shi oryn alyp, jańa maýsymdy Ekinshi lıgada ótkizýge májbúr bolǵan edi.
